how would you explain FACEBOOK to your GRANDMA? IN HINDI?

[dev25]

Tell her that: Humare computer ki tarah ek bada computer hota hai jaha pe ek account book hai, ek mote register ki tarah, jismein log apna account banate hain, jaise us bade register ke har page pe log apne bare mein likh rahe ho. Aur sab log apne ghar ke computer se us bade computer pe bani account book ko khol sakte hain internet ki help se aur jin logo ko jante hain unko apne account mein add kar sakte hain, it's like aap us bade register mein apne wale page pe un page numbers ko likh lete ho jin pages pe aapke jan pehchan walo ne apne details likh rakhe hain jisse ap jab jiska account dekhna chaho us page number ke page ko khol lo.
Aur jab bhi koi kuch naya karta hai ya kuch bhi batana chahta hai sabko wo apni wall pe likh deta hai aur sabko dikhai deta hai jo usse jude hain isse ye hota hai ki us insaan se jude sabhi logo ko pata chalta rehta hai uske bare mn aur usko na phone karne ki zaroorat hai na chitthi likhne ki. Ye aisa hi hai jaise ki us bade register mn main ajki koi khas bat apne page pe likhdu aur fir jab ap mere bare mn pata karna chaho to aap mera page number dekhke usko kholo aur aap padlo jo maine likha to apko pata chal jayega ki aaj kya khas kiya maine.
Antar bas ye hai ki agar koi register ho to usko kholne ke liye sabko uski jagah pe jana padega aur ek bar mein ek hi insan khol payega.
Aur facebook sab apne computer se access kar sakte hain ek bar mein kitne bhi log aur page number ki jagah sabke pages hi dikhte hain to hum seedhe pata laga sakte hain ki humse jude log kya kar rhe hain aur kaise hain.Hum unse sawal pooch sakte hain, unse bat kar sakte hain bina kisi kharche ke agar wo usi time online hain to aur koi photo ya video bhi dikha sakte hain.